Քաղաք, որտեղ արգելված է մահանալ: Եթե դուք պլանավորել եք հավերժ ապրել, ապա գնացեք հեռավոր նորվեգական քաղաք` Լոնգիրբուեն, որտեղ օրենքով արգելված է մահանալը: 70 տարի առաջ տեղի գերեզմանոցում արգելել են մահացածներին թաղել: Իսկ եթե ինչ-որ մեկը մահամերձ վիճակում էր գտնվում, նրան ինքնաթիռով տանում էին քաղաքից հեռու, որպեսզի մահանալու դեպքում չխախտեին օրենքները:
Սինգապուրում մաստակի պատճառով կարելի է հայտնվել ճաղերի ետևում: Այդ օրենքը դուրս է եկել 1992 թվականին: Սակայն կար բացառություն նիկոտինային մաստակների համար: Բայց անգամ այս դեպքում ծխելուց հրաժարվողները պետք է ստանային բժշկից թույլտվություն այդ մաստակի համար դեղատուն գնալու:
Ինդոնեզիայում և Մալազիայում մարդկանց մեծամասնությունը պաշտում է դորիան անունն ունեցող միրգը, որն ունի ընկուզասերուցքային համ: Սակայն տեղի օրենքներով արգելվում է հասարակական վայրերում ուտել այդ միրգը, քանի որ այդ միրգն առաջացնում է գարշահոտ` նման նեխած ձկան կամ կոյուղու:
Դանիայի ցանկացած ռեստորանում դուք ունեք իրավունք չվճարելու ճաշի համար, եթե ճաշն ավարտելուց հետո դուք զգում եք սով:
Շվեյցարիայի բազմահարկ շենքում ապրելու դեպքում արգելվում է երեկոյան ժամը 10- ից հետո զուգարանում ջուր լցնել: Հարկ եղած դեպքում անհրաժեշտ է սպասել մինչ լույսը կբացվի:
